當年今日
關於我們

【韓流】成功捕獲智孝陳柏霖抵韓談戀愛

蘋果日報 2016/01/21 06:00

蘋果香港韓國陳柏霖即時宋智孝我們相愛吧

韓國大熱綜藝節目《RunningMan》嘅宋智孝日前落實會同台灣男星「大仁哥」陳柏霖拍攝內地版《我們結婚了》─《我們相愛吧》第二季,今次智孝攞正牌移情別戀,飛甩「周一情侶」嘅Gary,同陳柏霖談戀愛,唔少粉絲都好擔心,因為怕智孝被型仔陳柏霖所吸引,戲假情真真係撻着柏霖。

而《我們相愛吧》將於4月播出,由於二人都好鬼忙,所以節目組已開始進行拍攝,柏霖亦於噚日飛咗去韓國見智孝,據了解此行柏霖十分低調,但仍然被熱情嘅粉絲得知消息,前往接機,而大仁哥見到粉絲亦都好親民,同佢哋簽名合照,被粉絲大讚佢係暖男一名。

而柏霖同智孝已經進行了第一次見面嘅拍攝,有網民仲將柏霖同智孝嘅「合照」放上微博,只見柏霖喺街頭成功捕獲智孝,當佢見到智孝代言嘅巨型廣告牌,即刻企起廣告前細心欣賞智孝嘅美貌,唔知係唔係培養定感情,準備之後好好同智孝談戀愛呢?