每年到了12月至翌年2月，都是日本士多啤梨的季節。日本士多啤梨品種繁多，口味各異，由大眾化的福岡甜王、靜岡閃亮香；矜貴的白色品種淡雪、白寶石、雪兔；罕有的古都華、眉山；以至完美級的菊池都各有追捧者。

從事日本士多啤梨批發的進濤菓欄負責人Gigi透露，今年士多啤梨較早收成，已有不少品種運到香港。但要數質素最好、品種出產最多，就要等到高峰期12月尾至1月時候，到時選擇多，價格亦會輕微回落2-3%。

吃了多年士多啤梨，不少人依然在挑選士多啤梨上存在誤解。士多啤梨紙盒上一般會列明該盒士多啤梨的大小，由大至小分 5L、4L、3L、2L，是否5L一定好過2L？Gigi解釋5L的士多啤梨每粒較大，但相對粒數愈少；同樣道理2L較細粒，但粒數較多，要揀的話最好揀印有DX字樣，這種級數不單質素最高，粒數亦相對平均。另外，日本士多啤梨會因應品種不同，有不同的顏色，白色品種一樣可以擁有高甜度，並非愈紅愈甜。

反而在選購時需要留意葉是否夠青綠，士多啤梨肉身會否有變壞的痕跡，這些代表士多啤梨不夠新鮮，要避免購買。Gigi教路如要買最新鮮士多啤梨，最好在星期一、二及四至六，下午5點後到菓欄購買，因為除星期三及日外，日本士多啤梨每天空運來港，並在下午送到菓欄，如果要買到即日靚貨，就要睇準時機。

編採：莫麗嫦
攝影：周義安