撼贏兩女神一型佬
梁烈唯冧掂強國女
蘋果日報 2012/10/14 00:00
【中環石板街】
無綫新劇《仁心解碼II》劇組前晚9點幾喺中環石板街拍攝，蒙嘉慧、蕭正楠、人稱方中Sir嘅方中信、梁烈唯同兩位高登女神苟芸慧、朱璇都有份開工，吸引唔少途人圍觀。在場嘅助導猛叫人唔好開閃光燈影相，可能怕有乜閃失，又喺微博俾人叫「另謀高就」。
前晚劇情好簡單，講一班人想撮合方中Sir同蒙嘉慧，其實冇乜睇頭。反而戲外仲好睇，早排俾人話硬媾蕭正楠嘅苟芸慧，可能唔想再俾人講，加上有記者喺度，所以全程黐實都係鄉音未改嘅朱璇。有兩位高登女神出現，以為好多人搵佢哋影相呀？咁又錯嘞，最受歡迎嘅竟然係梁烈唯，佢贏晒靚佬方中Sir同兩位女神，唔使埋位就俾班着住制服嘅內地女遊客圍住影相，睇嚟佢可以考慮返內地發展。
無綫新劇《仁心解碼II》劇組前晚9點幾喺中環石板街拍攝，蒙嘉慧、蕭正楠、人稱方中Sir嘅方中信、梁烈唯同兩位高登女神苟芸慧、朱璇都有份開工，吸引唔少途人圍觀。在場嘅助導猛叫人唔好開閃光燈影相，可能怕有乜閃失，又喺微博俾人叫「另謀高就」。
前晚劇情好簡單，講一班人想撮合方中Sir同蒙嘉慧，其實冇乜睇頭。反而戲外仲好睇，早排俾人話硬媾蕭正楠嘅苟芸慧，可能唔想再俾人講，加上有記者喺度，所以全程黐實都係鄉音未改嘅朱璇。有兩位高登女神出現，以為好多人搵佢哋影相呀？咁又錯嘞，最受歡迎嘅竟然係梁烈唯，佢贏晒靚佬方中Sir同兩位女神，唔使埋位就俾班着住制服嘅內地女遊客圍住影相，睇嚟佢可以考慮返內地發展。
【今日我至孭】
梁烈唯噚日做番關二哥，孭住關二嫂黃智雯行貓步，唯唯仲希望關二哥關二嫂可以修成正果，年尾齊齊攞飛躍進步獎。
梁烈唯噚日做番關二哥，孭住關二嫂黃智雯行貓步，唯唯仲希望關二哥關二嫂可以修成正果，年尾齊齊攞飛躍進步獎。
估唔到梁烈唯咁受強國女歡迎，個個爭住搵佢影相。
索女苟芸慧同朱璇，加埋型佬方中信同場出現，但佢哋嘅風頭依然唔及梁烈唯。
蒙嘉慧晒命
同時，伊健嫂蒙嘉慧就成晚玩晒命，話自己喺中環搵到咪錶位泊車，兩個鐘都係16蚊，平過泊30幾蚊一個鐘嘅私人停車場。其實蒙嘉慧使乜咁慳，橫掂佢揸緊嘅靚車都係伊健名下公司擁有，相信伊健都會畀家用佢啦。
另外，梁烈唯噚日同「關二嫂」黃智雯喺鑽石山出席活動，唯唯喺現場好落力孭住「老婆」，但老婆就笑住話要離婚，唯唯話：「單方面只可以話分居，好想今年一齊攞飛躍進步獎。」而蒙嘉慧噚日喺商台出席另一活動時，話自己首次做導演心情好緊張，好彩有伊健從旁畀意見。
採訪、攝影：馬建華、羅德光、吳耀輝、王連連、黃曉妍
另外，梁烈唯噚日同「關二嫂」黃智雯喺鑽石山出席活動，唯唯喺現場好落力孭住「老婆」，但老婆就笑住話要離婚，唯唯話：「單方面只可以話分居，好想今年一齊攞飛躍進步獎。」而蒙嘉慧噚日喺商台出席另一活動時，話自己首次做導演心情好緊張，好彩有伊健從旁畀意見。
採訪、攝影：馬建華、羅德光、吳耀輝、王連連、黃曉妍
蒙嘉慧認真識慳錢，將自己架靚車泊喺街邊咪錶位（右圖）就算。