【繼續80年代】撇甩荻野目洋子 登美丘高校舞蹈部殺入《紅白》
蘋果日報 2017/12/25 13:00
登美丘高校舞蹈部Dancing Hero荻野目洋子鄉裕美
來自大阪嘅登美丘高校舞蹈部今年掀起一片《Dancing Hero》復古熱，帶挈49歲嘅原唱者荻野目洋子再度熱爆歌壇。
登美丘高校舞蹈部拍住荻野目洋子踩入年底各大樂壇盛會，唔止在《第59屆日本唱片大賞》獲頒贈特別獎，又亮相《Music Station Super Live》挑戰埋另一代表作、《貪貪貪》原曲《六本木純情派》。
雖然荻野目洋子唔會參與除夕舉行嘅《紅白歌唱大賽》，但登美丘高校舞蹈部卻獲邀擔任當晚特別嘉賓，噚晚於電視上宣佈佢哋到時會同男歌手鄉裕美首度合作，屆時會為鄉裕美嘅80年代歌曲《2億4千萬之瞳》伴舞，原來鄉裕美日前專程到大阪嘅登美丘高校拜訪呢班妹妹仔，仲要求佢哋除夕一齊演出《紅白》，搞到佢哋相當興奮，仲立即展開排練，十分認真！
更多娛聞，喺晒《娛果》
http://fb.com/appledailyent
來自大阪嘅登美丘高校舞蹈部今年掀起一片《Dancing Hero》復古熱。
帶挈49歲嘅原唱者荻野目洋子再度熱爆歌壇。
登美丘高校舞蹈部仲會喺《紅白》同男歌手鄉裕美首度合作。
屆時會為鄉裕美嘅80年代歌曲《2億4千萬之瞳》伴舞。
鄉裕美日前專程到大阪嘅登美丘高校拜訪呢班妹妹仔。