【逆境中相遇】他沒有花店做禮物，但她依然嚐到情人節的甜蜜。Mandy跟Henry的情路格外漫長，單是從深水埗寓所前往炮台山接受記者訪問，一小時內必到的行程，他倆就花了三小時，還要面對途人好奇目光。「我哋係二人三足，我扶住佢，佢扶住我。」Henry說。互相扶持，愛侶本應如此。
每次出街拍拖，Mandy和Henry都是那樣矚目，「我哋兩個行得慢，又要互相扶住咁行，出親街都會吸引好多奇異眼光，試過幾次，有途人顧住望我哋，撞埋條燈柱度。」兩人已經習慣了不大禮貌的注視，就如接受了肢體傷殘的厄運一樣。

相識於義工活動

Mandy鄧燕妹任職廉政公署，出世時右腳「馬蹄內翻」，沒有及時醫治，隨着年歲惡化，右腳肌肉不停萎縮，「我自細就好自卑，怕同人傾偈，怕望人，屋企人以為我自閉。」自閉的人也渴望被愛，她結識過肢體健全的男朋友，以為有人不嫌棄她的殘缺，現實與理想總有距離，「我哋兩個一齊嘅時候好開心，但係一出到公眾場所，佢就會好冷淡，扮唔識我。」
Henry丁向群在差餉物業估價署工作，就讀大學時被棒球棍擊傷，昏迷一個月，死過翻生，但左半身活動能力大減，「意外之後乜都冇晒，失去健康、學業，連愛情都冇埋。」女友在意外後離開他。
情路上各自迷失的兩口子，在逆境中相遇，一樁悲劇加一樁悲劇，負負得正，成就了一段好姻緣。Mandy和Henry在一次義工活動中相識，此後時常一起搞活動，結了婚，也是二人三足形不離影。Mandy愛插花，Henry就領正牌拈花惹草，替Mandy買花。
Henry破浪重生，曾經贏得「再生勇士」的嘉許；Mandy也剛在日本贏得展能節花藝比賽銅獎。由惺惺相惜到互相扶持，再生夫婦結婚八年了，兩口子走的每段路，總是手牽手、心貼心，引人注目，但也惹人羨慕。
本報記者