吳雨霏（Kary）最近除咗做歌手之外，仲做埋一個商場嘅潮夏形象企劃擔任形象總監﹐仲搵咗個韓國靚女模特兒JinaHuh演繹佢嘅設計。

今日JinaHuh就去到柴灣影造型照，Kary亦有到場。近年Kary做埋設計工作，佢話自己想自組設計公司。

問佢最想幫邊個藝人做形象設計，佢笑住話係陳奕迅，仲要佢騷6嚿腹肌同人魚線，佢話：「我要打造一個性感陳奕迅。」

下個月9號就係Kary嘅28歲生日，Jina就送咗花同蛋糕畀佢，Kary就話已經約咗一班女仔朋友食飯，問佢想唔想拍拖同收男仔嘅花？佢就笑住話：「都好?，想搵個好嘅男朋友。」佢又話有女仔朋友想介紹啲男仔佢識，但係佢就唔鍾意呢種刻意安排嘅約會，佢話：「佢哋都想我拍拖，但大家又唔急，順其自然。」




【壹錘定音.李慧玲】6月4日早上8點正式開咪!
即like【壹錘定音】facebook專頁！
https://www.facebook.com/hammerout.hk