查大俠(金庸)雖然人在香港,但一直心繫故鄉,所以當年新華社香港分社前副社長小肥張叫佢返浙江大學當人文學院院長,佢即時答應,重話要搬去西湖邊定居。呢個已經係1999年3月嘅事,之後佢重為大學帶博士生,專攻隋唐史及中西交通史。
轉眼又快五年,大俠早前放過聲氣話想辭職,重話,「我這個人當官,不行;拜師,我很願意;讓我教別人,我就不願意,也教不來。」大家以為佢講笑,點知佢早前真係口頭通知咗校長潘雲鶴,要辭去院長及博士生導師嘅職務,原因唔清楚。查大俠要正式請辭,重要書面通知先算數。記者想搵大俠問多兩句,但係大俠話事件未明朗,不便多講。
傳真︰2623-9278
電郵︰
[email protected]