網民蜜瓜包在討論區上表示，近日路經銅鑼灣街頭，覺得大廈外牆的霓虹燈及電視幕牆光線很刺眼，「我每次見到啲大廣告牌就覺得我哋好慘，唉，條街已經咁熱啦，仲要大大塊牌開住燈，行過都熱死啦。入到商場又係咁，只不過開猛冷氣，其實咁做好浪費，唔知可以去邊度抗議。」

五光十色的霓虹燈令人痛心，網友吳三五也說光害可能是最為人忽略的環境危機，「噚晚十一點半喺尖沙嘴行街，個天好似日頭咁光，我都覺得好心痛，點解會咁樣？」網友壽司仔指近年數量越來越多、面積越來越大的戶外電視幕牆，令光害問題惡化。
網友Derek表示，現在晚上在市區根本看不見星星，「前排入大嶼山貝澳露營，夜晚行出海灘，見到個天勁多星，啲星仲要好似好低咁，嗰時覺得勁感動，原來我哋個城市發展，令我哋失去咗大自然咁靚嘅夜色。」網民恒星說：「我寧願要星光，都唔要又嘥電又唔環保嘅霓虹燈光。」保護環境，除了有「無冷氣日」外，也應推廣「熄霓虹燈日」。

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。

一經採用可獲酬100元
請附姓名、電話及電郵地址，電郵到：[email protected]