任貨車司機的阿忠，與妻子育有分別7歲及2歲的長女及幼子，去年朗朗連續數天高燒不退，並確診患上惡疾，年幼的他要承受化療療程，「好心痛，咁細個就要做咁多手術，平均兩至三個星期就發一次燒，知佢（朗朗）好辛苦，嚟緊月中會做自身骨髓移植手術，希望做完之後情況會穩定啦！」阿忠心痛地說。「𠵱家佢一有精神我就會帶佢去吓公園𠱁佢開心，當鼓勵吓佢都好」。而妻子則剛獲批來港，亦準備在港繼續接受化療。
阿忠一家租住朋友店舖的閣樓，早前已耗盡近40多萬元的積蓄作為妻兒醫療開支，為維持生計，阿忠須往返醫院及上班，奔波勞碌，「之前老闆已經好好，放咗我一段時間有薪假，但近呢兩星期起我就手停口停，所以一定要返工，幾辛苦幾攰都要頂住」。無奈朗朗的病情反覆，阿忠經常未能如常上班，「如果個仔身體好，一星期都可以返到三、四日工，不過都係睇情況」，現時阿忠每月收入約5,000至6,000元，一家生活窘困。
蘋果日報慈善基金早前為阿忠籌得約15.8萬元，「好多謝咁多善長嘅幫助，希望大家可以繼續支持吓我哋」。
「阿忠」捐款編號：C3697
網上捐款： http://bit.ly/1nQRthE