因為《我的少女時代》令宋芸樺同王大陸人氣急升，其實有輔仁大學之花、22歲嘅宋芸樺表示，自從去年開始《我的少女時代》未上嘅時候，就開始俾人注意，因為嗰時佢應該係上映緊佢套《等一個人咖啡》，佢話：「其實去年的時候就慢慢被大家看到，然後今年到這部戲很開心，在台灣票房非常好。我覺得紅不紅這個感覺還好，聽到大家說很喜歡這部電影，快樂跟開心成就感很大，fans人數多很多是事實，會很親切的問候你。」

講到佢長頭髮嘅時候，好似女神陳妍希，宋芸樺笑笑口話冇聽人咁講過，但就話：「她是我師姐呀。」係喎宋芸樺經理人喺柴智屏，陳妍希都係跟柴姐出身。

而同樣都係簽咗柴姐做經理人嘅王大陸，對於紅嘅答案好官腔：「粉絲會多一點，演員演好戲做好自己是本份。我在台灣開車子，所以感受不到人群的感覺。」好多人都覺得佢同好多香港藝人相似，有人話佢似森美﹑又有人話佢似EO2嘅Otto，不過當佢見到Otto相嘅時候，明顯覺得佢有保留，不過當畀張吳卓羲嘅相佢睇話似時，王大陸好受落仲同張「相」合照呢。