當年今日

求驗客手記:本田開齋A米3連勝

蘋果日報 2014/04/09 00:00


本田圭佑(白衫)加盟咗AC米蘭3個月,大部份時間都係俾人話水貨,但喺周一意甲,呢位日本中場終於射入加盟A米後嘅首個入波,加埋泰拉拔建功,A米作客以2:1力克熱拿亞,錄得3連勝,似乎能夠重上正軌。教練施多夫亦可以鬆口氣,好高興見到本田打破入球荒。A米𠵱家仲排喺第11位,施多夫叫大家唔好期望咁高,拎來屆歐霸盃資格都好有難度,「我哋離歐霸盃近咗,但好多球隊都參與競爭,同埋排名比我哋好。我哋餘下只可以努力做好自己。」
另外,日前有指新加坡商人林榮福欲以3億歐元收購A米51%嘅股權,但A米行政總裁芭芭拉嫌對方出手低,佢認為成間球會值10億歐元(約107億港元)。此外,A米前鋒巴洛迪利喺網上發佈佢同女友芬妮嘅合照(圖),澄清分手傳言。
empty