天后鄭秀文(Sammi)今日現身《蘋果》facebook開live，佢仲講到新歌《祼體早餐》，佢就話我好耐冇呢類作品，之前都係唱好多福音歌，今次內容係講緊兩性關係，7年冇出國語碟今次係一個「大膽回歸」。

而嚟緊情人節，有fans希望Sammi冧歌推介？佢推介《我不是歌手》、《八公里》等。

仲有fans問到Sammi幾時開side track演唱會，Sammi話：「今年會出，不過唔會做到好大型，會做到似係歌迷聚會，不過唔識我嘅歌嘅人真係唔好入場，無謂悶親你，唔係做一個大眾易接受嘅歌單。」Sammi仲透露，o依定重組緊歌迷會，佢仲話今次重組歌迷會同side track演唱會係一齊進行，而今次演唱會係想回饋歌迷一直以嚟嘅支持。

至於有fans仲問到幾時會喺海外開演唱會，Sammi就話佢嘅《Touch Mi》收到唔錯嘅反應，嚟緊都會研究會喺外地再開《Touch Mi》演唱會，不過就強調唔會喺香港開。