今朝（8日）早上7時許，鄭俊偉馬房有兩匹參戰馬，安排在1800米草地考驗，分別有第二場「火箭活力」夥拍賴維銘單試800米，郭能則策騎頭場「路路發」快試800米，見練馬師鄭俊偉親自在場打點一切，並在沙圈接馬追問鞍上人關於馬匹嘅表現，緊張到痺，睇嚟有目標所在。

當中首要留意的是列陣第一場五班草地1400米「路路發」，此駒上次轉投鄭廐後初出跑同程，並由巴度策騎，但被頭二馬「金錢豹」及「保羅威威」趕過，跑入第三，表現唔失禮，證明鄭俊偉練馬功夫都有一手。

「路路發」復課後，埋門由郭能省過兩課，今次改由佢執韁戰鬥力不減，若然臨場有雨場地起變化，更如魚得水，有機會贏馬省招牌。