準爸爸陳豪今日喺九龍灣出席活動，獲贈一套小童成長桌椅。

有傳老婆陳茵媺（Aimee）佗仔，咁會唔會陪佢上產前班？陳豪只肯話已過咗三個月（指Aimee懷孕），但一切待Aimee返港先公佈。

雖然BB未出世，但已經好腳頭，除咗令準爸爸不斷吸金外，陳豪仲獲頒亞洲偶像盛典嘅「最受歡迎港台男演員」。

咁Aimee喺邊度生BB都係焦點，但陳豪仲未落實，佢解釋： 「坦白講，仲有好多嘢計，國籍﹑教育等，喺加拿大生會冇香港身份證。」

想唔想一家三口拍廣告？陳豪就話唔想Aimee太操勞，仲話一個人賺錢都可以，一於「多啲嚟，密啲手。」