黃曉明同Angelababy嘅婚禮聽日就喺上海舉行，曉明同Baby喺婚禮前48小時，接受內地傳媒訪問，更互相問對方問題，講吓大家嘅心情，Baby一臉小鳥依人，曉明大晒對Baby嘅愛意，相愛6年仍然好甜蜜!

問及佢哋嘅心情，曉明直言好緊張，反而Baby就爆自己挺淡定，仲話：「我也不知道你緊張甚麼?就我覺得結婚那天，一定要讓自己放輕鬆，去享受整個環境。」曉明踢爆因為Baby咩都唔使操心，自己當然比Baby緊張，Baby就笑住講：「所以我可以享受到那一天所有的場景、所有的細節、所有大家的祝福，想想都覺得還挺期待的。」

講到佢哋就嚟結婚，大家對對方嘅感覺有咩改變，Baby笑言希望曉明越來越帥，曉明諗咗陣，Baby問：「就沒有改變對不對?」曉明出冧功稱：「對!都6年的老夫老妻了，還有甚麼感覺。」Baby就話自己希望曉明肥番啲，認為你太辛苦，天天都好忙，希望曉明有多啲時間休息。

曉明仲話有個朋友問過佢愛情係咩，曉明就答：「我說我覺得我跟Baby好了，6年了，還是感覺像初戀一樣，我覺得這可能就是愛情吧。」

另外，Baby向fans講雖然自己有個「黃教主」喺身邊照顧自己，但是仲需要各位fans繼續照顧，曉明又話：「你們不要以為我有了Baby，就會不愛你們了，我還是很愛你們的。不拋棄不放棄!」