日前為新歌《女撒旦》拍攝MV時，被女主角摑面嘅男歌手彭永琛，今日接受電台訪問時表示，新歌MV出街時，發現被摑嘅鏡頭遭刪剪掉，佢話可能女主角摑唔夠狠，自己被摑嘅反應又唔夠似。

嚟緊4月27日喺澳門會舉行音樂會，彭永琛希望可以請到同公司嘅RubberBand做嘉賓。講到開騷，佢話：「以前我可以有成個月時間準備，o依家會急好多，不過又係一件好事，因為喺澳門嚟咗香港發展後，好多嘢都迫自己快咗。」

近年相繼有不少澳門歌手嚟香港發展，佢覺得澳門市場始終係細，加上傳媒力量未夠成熟，可能表演機會係多，不過都要去其他地方發展見識下。