賀賢今季成績唔錯，已贏得五場頭馬，今次夜戰派五駒上陣，排位朝悉數出大圈操練，當中「開心健康」較遲才出試，原因要等羅理雅有空，結果在天光後替此駒跳三段，入直路稍加快，身靚步爽姿態甚輕鬆。上仗在郭能跨下爭入季軍，今次停賽益了羅理雅。
另外，「識飛」莫雷拉已跑了兩仗，但依然唔放手，今期再度策騎，睇番上仗走勢，因排在不利大外檔，全程被頂在外叠競跑，最終負兩個半馬位跑第五，表現都唔曳；復課莫雷拉鍥而不捨，繼續替馬匹操練，快跳依然彈力十足，狀態無走樣；今次跑1800米排靚檔，有權變身跑得更好。

詳盡內容可留意明日<<蘋果日報>>及蘋果馬網 http://hk.racing.nextmedia.com