「如果釣到放生魚，要拜過神先好食﹗」北角碼頭變身放生場，吸引不少魚友「覓食」，卻同時出現釣魚要拜神的怪現象。原來有釣魚友因吃過放生魚發生連串怪事，弄致人心惶惶；因此有人建議釣了放生魚，最好先用香燭拜一拜牠。夜釣發燒友陳小姐每晚都會帶同香燭冥鏹到碼頭，未釣魚先點香，向海面拜一拜，再以三支為一撮，然後逐撮放在碼頭石壆上，任由香燭自然燒完。「好多人喺附近放生魚，有時會釣到其他種類，好似龍躉咁，另外個嘴花咗嘅魚，都係放生嘅。」陳小姐解釋，原本該區水域的魚大多是石蚌、火點或紅鮪，但近年卻甚麼都有，例如象拔蚌、蟹和龍躉。