古裝韓劇《我的野蠻女友》嘅29歲女星吳漣序今日被爆撻着神劇《太陽的後裔》嘅27歲男星金玟錫，被韓媒指兩人近日被目睹喺首爾江南區一間戲院約會，兩人舉動如戀人一樣。

對於突然驚爆姊弟戀，雙方事務所都否認其事，吳漣序方面指向本人確認過消息後，指二人戀情並唔係事實，加上兩人基本上唔相熟。而金玟錫方面亦都否認戀情，亦強調二人冇私交，連雙方聯絡方式都冇。