背心肌肉男疑為阻止一名醉酒漢辱罵及騷擾麥當勞的女職員，凌晨時份在廣源邨麥當勞出手並曾與對方互打，結果雙雙被警方拘捕，市民對背心肌肉男做法是否正確意見分歧。

市民張先生認同肌肉男的做法：「其實（市民）應該見義勇為的．．．若見到有人有危險，是應該幫人的，冇理由（怕事不處理）。若有需要幫手的時候，我都會幫手！」張又指希望警方深入調查事件，不要令無辜者被定罪。

梁先生則認為肌肉男做法欠妥，梁認為若事件不在自己的能力範圍內，應該找職員或直接報警處理，因若自己出手與對方衝突，因在公眾地方打架，「大家都會犯法」，事實上若兩人打起架來，恐會令秩序更混亂。

區先生則堅持不該用武力，應盡量先行同對方溝通，以免傷害到對方，「佢（背心男）咁嘅身型，若真係（認真）打，擔心會出人命」。區指縱然今次是見義勇為，但恐用錯咗方法，應用和平一些的方法，盡量避免肢體碰撞，「無謂令自己都被拉埋」。區重申他覺得若用武力去解問題，不能算是幫忙。

麥小姐則指，覺得香港好像愈來愈多人醉酒鬧事，她作為女仔都有啲驚。她認為若真係有人因見義勇出手（護花）而惹官非被控，會覺得對方好無辜．但麥強調若出手打人「就唔啱」。

你敢爆，我敢獎！ 即Call《蘋果》24小時爆相爆片熱線 ：63836568