現年54歲嘅苑瓊丹，喺昔日亞洲電視嘅藝員訓練班出道，到91年，轉戰大銀幕，參演周星馳嘅《逃學威龍》殺出一條新路，當年只得28歲嘅佢一啲都唔介意醜化自己，毫無形象嘅搞笑演出反而吸引到唔少觀眾稱讚，之後仲喺唔少星爺嘅電影出過場，包括《九品芝麻官》、《唐伯虎點秋香》同《食神》等，而大多角色都係惡女、醜女、潑婦等，形象非常之有喜劇感，其實苑瓊丹子唔算係醜女，只不過佢認為扮醜就要夠徹底，令到佢後來即使喺電影上有性感演出，觀眾都不以為然。

話苑瓊丹子唔係醜女，其實都有根據，事關日本女星柏原芳惠早前就以51歲之齡推出寫真集（新聞連結： http://bit.ly/2uj8wOy ），當中有唔少角度都似足苑瓊丹子個樣，真係同樣唔同命！柏原芳惠當年青春無敵，仲成為日本當紅一線女星之一，而現今嘅柏原芳惠雖然已經年屆51，但係都keep得非常之好，不愧為女神周慧敏昔日嘅偶像兼模仿對象，而女神周慧敏早前更喺社交網站貼上一張當年18歲時嘅相，真係似足柏原芳惠㗎。（新聞連結： http://bit.ly/2weM9xc ）