一月尾至今,賽事無停過,近期部分賽程報名馬疏落,朝早晨課更明顯較少馬快跳,跑開的馬,大多每隔兩、三星期跑一場,既無必要操得太多,唔跳再跑例子多的是。
郭能前仗騎「海洋活力」,就好無活力,明知無快馬又排內檔,起步竟拖實唔搶位,任過唔嬲,睇到火起,上次換田泰安再跑1800米同程,一樣排內檔,同場無乜快馬,積極跟前守好位,跑到差啲贏。雖隔三周再跑,但復課後的操練工序,比起正常更加辣,說明馬房對其體力有信心,畢竟季內只跑過五場,目前鬥體力,「海洋活力」其實也會佔到優勢。
詳盡內容可留意明日<<蘋果日報>>及蘋果馬網 http://hk.racing.nextmedia.com