蘭西情報課：拍戲叻啲 大導賣樓要蝕
蘋果日報 2005/04/15 00:00
淺水灣華景園二十年樓唔到，喺嗰區屬於年輕一輩，交投一向唔錯，消息人士話，名導演王家衛嘅三座中低層A，逾千六呎，連車位放售，叫價一千四百萬。王大導喺九七年初以一千五百九十萬買入自住，上個月先至遷出，若果能以叫價成交，都要蝕近兩百萬。
世紀21曾應豐話，三座中低層B，同碼，由外籍客以千三萬購入，區內睇樓半年，最後揀選華景園。
講開世紀21，加盟商世紀21奇豐，首季生意千五萬，係九四年加盟以嚟季度新高，較舊年同期多六成。世紀21奇豐主要代理馬鞍山物業。
宇晴軒首創鄰居保證
發展商雖然成日話啲單位唔憂賣，但不時有新招推出招徠買家。
長實郭子威話，長沙灣宇晴軒第六座三個複式，首位買家可享呎價保證，如果其餘兩伙平過佢，第一年就賠番十倍差價，第二、三年，賠五、三倍。
但係兩個單位嘅價錢，係由發展商話事，咁睇，首位買家實際上好難有錢賠。不過，有決心做第一個買家，點都有啲甜頭，若果唔鍾意隔籬屋嘅鄰居，可以獲得兩次機會「叮」佢出局。聽落，第二、三個單位買家，似乎冇乜保障。
郭子威話，複式單位嘅呎價，由一萬三千八百，提高到萬六，可以畀到咁多錢買呢類單位嘅，唔使點揀都應該可以放心做鄰居。
世紀21曾應豐話，三座中低層B，同碼，由外籍客以千三萬購入，區內睇樓半年，最後揀選華景園。
講開世紀21，加盟商世紀21奇豐，首季生意千五萬，係九四年加盟以嚟季度新高，較舊年同期多六成。世紀21奇豐主要代理馬鞍山物業。
發展商雖然成日話啲單位唔憂賣，但不時有新招推出招徠買家。
長實郭子威話，長沙灣宇晴軒第六座三個複式，首位買家可享呎價保證，如果其餘兩伙平過佢，第一年就賠番十倍差價，第二、三年，賠五、三倍。
但係兩個單位嘅價錢，係由發展商話事，咁睇，首位買家實際上好難有錢賠。不過，有決心做第一個買家，點都有啲甜頭，若果唔鍾意隔籬屋嘅鄰居，可以獲得兩次機會「叮」佢出局。聽落，第二、三個單位買家，似乎冇乜保障。
郭子威話，複式單位嘅呎價，由一萬三千八百，提高到萬六，可以畀到咁多錢買呢類單位嘅，唔使點揀都應該可以放心做鄰居。
樓市火熱，轉手賺錢消息日日有，搞到唔少人心郁郁，忍唔住炒番轉。中記黎紹賢話，三個大學畢業生，合資二百四十八萬，購入沙田第一城兩伙投資，計劃賺約一成就出貨。
呢三個畢業生，踏足社會冇耐，大家都喺沙田做嘢。今次買入嘅，係一座低層C室，三百九十五方呎，購入價一百二十五萬；另一件係四十九座高層G室，四百一十呎，作價一百二十三萬。
黎紹賢話，沙田第一城，今個月交投開始放緩，暫時只有四十宗買賣，平均呎價三千一百五十。
搵代理行做樓盤獨家，已經唔係發展商嘅專利，由鄧成波或有關人士做大業主嘅何文田天次樓，就搵咗中原做獨家代理行。
中原分區經理佘慧媛話，波叔及有關人等，一共持有八個天次樓單位，其中四伙，保留自用，而日前又以千五萬，賣咗一個，實際上只係得番三個單位賣，不過，買家都有靚靚示範單位睇。
佘慧媛又話，天次樓單位，實用面積一律一千八百八十幾呎，拆售嘅三伙，鄧成波或有關人士意向價已經提高至千六萬。
現況似荒漠嘅將軍澳市中心土地，政府正密鑼緊鼓，整理好啲資料，最快五六月公布點規劃。降低人口及發展密度、畀公眾更多享受空間，以及擁有標誌性廣場，會係整個規劃嘅主框架。
然而，唔知係咪政府驚塊地擺得耐，會畀審計署鬧，最近竟然提出，要將塊地九成面積，即五十二公頃，興建為期四年半嘅大型臨時高爾夫球練習場。聽講，呢個建議啱啱至喺區內完成諮詢，唔知區議會係咪會擺上會傾。
萬一真係畀政府過骨，咁呢塊地最少要四年幾後，至可以攞得出嚟起樓。咁搞法，唯一得益嘅，可能係附近嘅屋苑住客，因為海景會有好多年保障。
電郵地址：[email protected]
王家衛高峯期買入嘅華景園，現蝕二百萬放售，相對低潮時造價，可謂執番身彩。
郭子威話，做宇晴軒六座複式第一個買家，連鄰居都有得揀。
郭子威話，做宇晴軒六座複式第一個買家，連鄰居都有得揀。
第一城小單位銀碼細，乃炒家能輕易入市之目標。
天次樓拆售三伙，其中一個係有裝修嘅示範單位。