近日全城焦點盡在煲呔同梁家傑兩個男主角，其實有個甘草都要留意。近年表現低調以示中立嘅立法會主席范徐麗泰，喺煲呔大鑼大鼓宣布參選嗰日，竟然為袋巾個地區辦事處剪綵，噚日先補飛去政綱大會。范太打正旗號愛國愛港，煲呔大日子卻掉轉槍頭深入敵陣，博乜先？
范太出年係咪連任𠵱家仲係五五波，葉劉同自由黨劉健儀都吼住佢個位，左派中人估計若阿爺醒個人大常委過佢，范太會急流勇退。有愛國人士認為，范太成功洗底，𠵱家唔想再俾人「扣帽子」，因此前幾日為葉劉檔匯賢智庫地區辦事處剪彩，噚日又企去袋巾身邊，一於左右逢源。
范太對上一次為立法會議員辦事處剪綵係04年，據了解要請佢做主禮嘉賓就到，做布景板就禮到。兩年前范太冇提名煲呔，今年應該照舊。