當年今日
關於我們

隔牆有耳:哥哥外甥女為煲呔冲喜 - 李八方

蘋果日報 2009/11/04 00:00


煲呔頭頭碰着黑,中大校長劉遵義同哥哥張國榮個外甥女麥嘉軒忽然傳出婚訊正好冲喜,噚日行會開會瀰漫喜氣洋洋氣氛,男主角會後被記者問如何追求麥嘉軒贏得美人歸,佢似乎幾怕羞,唔願多講,只係話:「多謝大家關心。」記者問劉遵義係咪鍾意麥嘉軒好人兼且經常幫助弱勢社群,佢不斷點頭同意。多個官員都話有恭喜準新郎,教育局局長孫明揚同發展局局長林鄭月娥話知道呢單喜事後好開心,兩人都有恭賀劉遵義,孫公:「佢(劉遵義)都好開心,心情好好。」
官員恭賀劉遵義
財經事務及庫務局局長陳家強則話對呢段姻緣感到意外,「我冇估到佢哋會一齊,不過好開心,兩個我都識o架!」至於一對新人係唔係好夾,陳家強話:「呢樣嘢,等佢地兩個答啦!」佢又話未知兩人好日子,「劉校長話未有日子喎!」
非官守成員胡紅玉稱認識一對準新人,今次好戥佢哋開心,「佢哋自己開心就得啦,大家祝福佢哋啦。」
empty
麥嘉軒