英超|再次告別紅魔 畢特或赴沙福特城任要職
曼聯畢特92班
曼聯「92班」之一嘅畢特喺2012年開始先後擔任過紅魔嘅青年軍教練同球隊發展總監,不過呢位曼聯名宿周三就宣佈辭去球會嘅職務,再次告別母會。
畢特過去幫曼聯提拔過唔少新星,包括拉舒福特、甸恩軒達臣、格連活特、麥湯米尼同杜安薜比等球星都曾經係佢嘅門生,為球會貢獻良多。曼聯周三亦喺官網發表聲明,感謝呢位名宿嘅貢獻:「我哋為畢特嘅離職送上最溫暖嘅祝福,並且感謝佢為曼聯培育多位重要嘅本土球員。」
畢特雖然冇透露將會去邊度發展,不過佢本身都係沙福特城嘅股東之一,外界估計佢都有機會去呢支英乙球會擔任職務。講起沙福特城,球隊近日就炒咗上任僅4個月嘅領隊韋倫斯,由曾經執教布力般流浪嘅加利保耶接任,利物浦名宿加歷查又乘機出嚟抽水,問死對頭加利佬今次又打算幾多日後再換領隊咁話。
-----------------------------
你不理財,財不理你,新一年邦民會繼續成為你財政上嘅強大支援!只要喺2021年3月1日至2021年3月31日期間新客戶首次提取貸款,可即場獲賞現金高達港幣$3,500▲!
利用轉數快,即使足不出戶,都可以實現貸款瞬間過數^,星期日都照批★!。
推廣期由2021年3月1日至2021年3月31日(包括首尾兩天)
須受條款及細則約束,詳情留意邦民日本財務(香港)網頁。
-----------------------------
-----------------------------
-----------------------------