國家建設部首次同香港民間慈善團體合作，成立「無止橋慈善基金」幫助內地窮鄉僻壤改善環境。基金前身係由中大建築系教授吳恩融發起嘅甘肅毛寺村「良橋助學夢成真」計劃，唔少人認為呢個計劃好成功，吳教授決定發大嚟搞，成功搵埋國家建設部落叠，8月會再去四川鄧波鄉，除咗帶學生去勞動，𠵱家仲搵緊好多工程師、測量師同建築師，齊齊去搬石頭起橋鋪路。
喺落後地方搞建設可能對闊佬冇乜吸引力，暫時最大筆捐款係新世界純官率先捐出500萬做起動基金。原來呢個係慶祝香港回歸10周年活動之一，對籌款有冇幫助就未知嘞。