夏日炎炎，係咪好想去冬冰冰嘅地方避暑？講到凍嘅地方，聯想到嘅動物，一定有企鵝份！如果有得見到企鵝，係咪會涼快啲？

想講嘅係梁詠琪（GiGi）同西班牙籍老公Sergio嘅3歲囡囡Sofia，原來GiGi完成演唱會後，佢同老公Sergio及Sofia返咗去西班牙度假，呢幾日GiGi都有喺Instagram擺咗佢同囡囡去公園嘅相出嚟，仲有Sofia扮企鵝嘅視頻，真係好鬼可愛！GiGi貼片出嚟開心share，仲留言話：「最佳的消暑妙法，炎炎夏日扮企鵝？」

另外，GiGi噚日都有喺社交網站開post話：「小鎮的寧靜和空間，讓小朋友能於花草間河畔邊自由自在到處跑，沒有煩囂的噪音，他們的笑聲聽起來更加美妙。」Sofia着住爹哋Sergio喺西班牙攞返嚟香港代理嘅童裝品牌nanos嘅小白裙仔，做爹哋嘅生招牌。其實Sergio都算偉大，為咗追求GiGi，不惜遠離家鄉西班牙，走到嚟咁細嘅香港生活。結婚有咗囡囡之後，因為知道太太經常要出埠工作，佢唔想因為自己經要硬性上班，冇人可以睇住個女，所以份工都辭埋，改行代理童裝，咁自己生意，上班時間靈活啲，又或者接個女落店舖都可以見下，唔使個女冇父母陪住。

精選娛聞，喺晒《娛果》
http://fb.com/appledailyent