俄仔Q&A教室
正如Ansheles所說，俄羅斯不是旅遊熱點，對香港人來說，比起熱門的日、韓、台，去俄國玩的人真是「蚊髀同牛髀」，以下跟Ansheles的Q&A，希望可以幫到即將去俄國睇世界盃的球迷。
記者﹕徐嘉華　　攝影﹕周智堅　

記：去俄國之前，去那裏換錢好呢？
Ansheles：當然在香港換就好了，你去到俄國人生路不熟，如何換錢呢？

記：俄國人的英文程度如何呢？
Ansheles：俄國人的英文不算好，最好自己先準備好，好似唔識路，最好靠手機apps，或者去之前學少少俄文，問路時可以試用，因為俄國人見到你識少少俄文，會好appreciate，變得更樂意幫你。

記：俄國人友善嗎？
Ansheles：在街上見到的俄國人，你會發現他們個樣好似不太開心，其實內心是好nice。

記：六、七月的俄國天氣如何呢？
Ansheles：六、七月的俄羅斯是最舒服的，不會太熱又不會太凍。

記：去俄羅斯之前，需要在香港準備甚麼嗎？
Ansheles：三樣嘢，補濕的面霜、杯麵、插頭，俄國都是偏乾的天氣，我之前回去俄羅斯都時常甩皮，所以怕太乾的人士記得帶補濕的面霜；俄國食物麻麻地，而且想食得安全，還是帶備杯麵較好、而俄國的電掣跟香港不同，俄國是兩腳圓頭，記得要帶備呀。

記：要租Wi-Fi蛋去俄羅斯用嗎？
Ansheles：在香港租在俄國用的Wi-Fi蛋或者電話卡都會好貴，最好去到俄羅斯機場才買，一般用電話咭就得，15日sim卡15激數據、600分鐘本地通話約40港元，有一個月sim卡、同樣15激數據約75港元，抵到爛。

記：俄國治安如何？
Ansheles：我建議遊客不要太夜出街，或者行去好黑的地方，最好去一些多人的地方，俄國人好鍾意飲酒，街上會見到好多醉酒佬。

--------------------
《體蘋果》陪你睇波講波
https://www.fb.com/appledailysports
--------------------
王道日本足球手機遊戲《BFB CHAMPIONS 2.0》，日本國家隊實名登場！ http://bit.ly/2xrTKGM