律政司司長鄭若驊喺UGL案先放生前特首梁振英惹起爭議，然後又順手放大假避開公眾之後，噚日律政司又決定淨係告鄭若驊老公僭建，放生埋鄭若驊。作為抽水界KOL嘅「田少」田北俊，今日趁住天氣未算乾發吓功，晌facebook又抽一下水。

田少晌facebook貼咗張同3隻愛犬散步相，仲整番副黑超添，配文就寫住「人哋就係咁玩『放生』，我就淨係可以放狗」，之後嘅hashtag就更加抵死「#無眼睇 #689 #鄭若驊放生鄭若驊 #放生祭 #是我太過愛你願意放生你」，連關家姐都擺埋出嚟，唔知方丈界KOL嘅689又會唔會出文。