【獲獎遭政府冷待】《小偷家族》優先場勁收 安藤櫻自爆谷奶演出

蘋果日報 2018/06/06 08:15

安藤櫻是枝裕和小偷家族
    【新增內容】日本名導是枝裕和執導新作《小偷家族》，早前奪得康城影展最高榮譽金棕櫚獎，係相隔21年再次揚威康城嘅日本片。電影將於本周六在日本開畫，上個周末上映嘅兩日優先場錄得1億9371萬日圓（近1,400萬港元）票房收入，動員15.3萬觀眾入場，預計電影將會於日本獲得不俗票房，而《小偷家族》將會於7月在港上映。
    《小偷家族》由安藤櫻、樹木希林、松岡茉優及Lily Franky合演，講述一個看似平凡嘅普通家庭靠犯罪來維持生計，探討家庭、親情與血緣關係等社會問題。有海外傳媒就指是枝裕和透過《小偷家族》反映日本於首相安倍晉三領導下經濟兩極化嘅問題，批評日本政府未有幫助貧困階層，反而將佢哋視為失敗者，而呢個題材令日本政府可謂相當尷尬，故今次是枝裕和獲獎揚威海外，日本政府態度冷淡。
    《小偷家族》女主角安藤櫻目前身在大阪為10月開播嘅NHK晨早劇《滿腹》取景，劇集描寫日清食品創辦人嘅奮鬥故事，安藤櫻飾演女主角今井福子，佢為方便拍劇已帶同初生B女搬到大阪暫住。昨日，安藤櫻在大阪為《小偷家族》開記者會會晤傳媒，對於演技獲得今屆康城評審主席姬蒂白蘭芝（Cate Blanchett）大讚，更話想日後演出喊戲會參考其演出，安藤櫻表示：「海外巨星的讚賞，好犀利，沒想過會用在日本人身上。」安藤櫻又透露，去年拍攝《小偷家族》時剛好誕下囡囡，笑言當時母性同埋母乳一樣滿瀉，仲自爆在片場因谷奶要頻到洗手間，觀眾可以留意到唔同場面其乳房有唔同Size。
    精選娛聞，喺晒《娛果》
    http://fb.com/appledailyent
    empty
    有指日本政府對是枝裕和奪獎態度冷淡。
    empty
    《小偷家族》反映安倍晉三領導下嘅日本嘅貧窮問題。
    empty
    安藤櫻在大阪為《小偷家族》開記者會見傳媒。
    empty
    安藤櫻演技獲康城評審主席姬蒂白蘭芝激讚。