當年今日
關於我們

【短片】【即時天氣】寒流又襲港又濕又凍好惡頂

蘋果日報 2014/02/18 06:00

即時天氣

呢兩日出面嘅天氣都受一股潮濕和暖嘅海洋氣泡影響,變得濕濕立立,唔少地方都係水,抽濕機就長機standby!本港今朝潮濕有霧,能見度曾經降到1000米以下,橫瀾島的能見度仲曾經降至200米左右添!

不過,咪以為天氣潮濕就以為春天到,可以收埋晒啲厚褸呀,一道冷鋒喺噚日晏晝橫過廣東沿岸地區,晚上氣溫急降6至8度,所以出門記得帶番條頸巾呀!

現時出面氣溫13度,相對濕度75%,預料今晚市區最低氣溫約9度,新界會再低一兩度。天文台預測今日天氣寒冷,日間氣溫徘徊喺11度,多雲,初時有幾陣雨,下午天色明朗,吹清勁至強風程度的偏北風;展望隨後一兩日持續寒冷,星期4天晴乾燥,週末氣溫會續步回升。大家忍多幾日凍,就可以享受下春天嘅美好啦!