政務司司長唐唐噚日同立法會主席范徐麗泰、內會主席劉健儀，同埋負責承建添馬艦新政府總部及立法會大樓嘅金門協興聯營代表簽約，成班人企喺個大模型後面，講得最開心同最耐嘅，就係到時去立法會開會時可以去邊度食飯。
立法會𠵱家位處中環中心地帶，附近食肆同香港會係高官、議員「名人飯堂」，日後搬到地處一隅添馬艦，約人食飯密斟可能冇咁方便就腳，難怪大家咁關心搵食問題。劉健儀話日後可能要去金鐘太古廣場或灣仔君悅開餐。政府下個月21號會將添馬艦地皮交畀承建商開工，預計2011年落成。