韓國女團4MINUTE成員泫雅因為性感形象而被封為性感女神，佢嘅緋聞一向唔算多，只係曾經同合作過嘅男團BEAST前成員張賢勝傳過緋聞，亦試過同f(x)嘅Amber傳過斷背，緋聞寥寥可數。

不過近日女神又傳名花有主，令唔少宅男心碎。根據粉絲們偵探本領，佢哋喺抽絲剝繭查探女神Instagram嘅帖文，有理由相信下月24歲嘅泫雅同男團VIXX嘅23歲成員Ravi譜出姊弟戀。

話說粉絲從二人嘅Ig發現相戀嘅唔少證據，所以有理由相信佢哋已暗地裡偷偷交往。據粉絲喺網絡上討論，泫雅同Ravi喺Ig上載嘅照片有好多方面都驚人地相似，好似認識嘅朋友、擁有嘅物件都驚人相似，粉絲猜測佢哋可能偷偷約會，所以先會上載類似照片，暗中傳情。

而Ravi早年喺一個「在舞台上不一樣的偶像」投票中，佢就投咗畀泫雅：「可愛同性感同時存在，證明佢真係非常有魅力嘅人！」又試過讚泫雅私底下好可愛。