踏入暑假啦！今季開始《玄機解馬》踏入暑期都會繼續同大家見面，暑期第1集《玄機解馬》將於今晚（18日）6時半開播。

一連六集的暑期篇《玄機解馬》請到馬販丹尼斯做嘉賓主持，同我哋兩位主持碧霞老師及DMAN一齊以玄學面相、馬房實力、馬匹血統等多方面，分析馬匹及騎練新季前景。

第一集首先會講即將重臨香江獻技的法籍型男騎師巴度，丹尼斯同佢交情唔錯，仲會大爆同佢相處的逸事。

今集亦會探討四歲三冠王「金鎗六十」未來發展，到底佢能否衝出海外為港爭光呢？

暑期版《玄機解馬》會畀到幕後一啲箇中玄機。