林心如曾於台灣節目《康熙來了》中講過，當年拍《還珠格格》時被飾演「爾康」嘅大陸演員周杰伸脷強吻……而周杰喺星期三喺微博指林心如係「詆毀大陸人」，噚日又轉發咗個fans嘅長文，段文將周杰捧到上天，而周杰就曲線留言：「難道我們就是流氓混蛋人家就是聖女嗎？她們養活過你嗎？ 」（新聞連結： http://bit.ly/2wQIDKJ ）

林心如日前已經透過工作室表示：「品行自在人心，多說無益。 」不過今日有大陸傳媒又再觸動到佢嘅怒火，事緣係林心如同老公霍建華現身北京機場，霍建華為咗護妻，舉起手指指住大陸傳媒。

至於林心如，傍晚就喺微博撰文，一次過回應事件，佢先係指唔應該維護呢類偷拍行為。然後再講到《還珠格格》呢幾日嘅爭議，林心如話冇諗過會變性「地域問題」，仲話一啲陳年往事被曲解，再將矛頭指向佢。

林心如話《還珠格格》係段美好回憶，唔會再有太多回應：「如今網絡就是這樣的環境，詆譭一個人不費吹灰之力，如果Diss一個人讓你們覺得活得夠勁，請你們盡興，恕我不奉陪。」為咗遠離呢啲爭論，林心如仲將評論功能轉咗唔公開開文，只限部份人士留言。