容祖兒（Joey）昨日以綠白色圖案披肩及半截裙打扮現身中環，出席時裝品牌Acne Studios新店活動，現場記者見祖兒眼紅紅，她解釋近日患了眼疾，更開玩笑病名叫熱情的沙漠：「因為自己十幾年前做了矯視，𠵱家有後遺症，眼會敏感，唔夠淚水分泌，不停要滴眼藥水，嚟緊要做手術，要塞番眼淚管，唔好咁易排走，再咁落去，我會變成香港第一個盲嘅女歌手。」記者問她手術會否有危險，她表示：「冇啩，但係鼻同頭會唔舒服，好似冇瞓到，夜晚要搽藥膏，似盲咗，成日撞到枱腳，有啲盲炳feel，成日要戴超，講嘢唔望人，人際關係有影響。」

未有計劃結婚

問到男友劉浩龍心痛她病況嗎？祖兒表示：「唔知，你哋問番佢。」再問到同男友冇眼神接觸，她笑言：「冇晒社交生活。」此外，鄭希怡向記者估計下一對圈中藝人結婚會是她，她即笑笑口：「人哋睇好會多謝，自己冇諗，未有計劃，整好隻眼，要帶眼識人，睇清楚先。」記者再問她會否明年拉埋天窗，她即表示：「又快得滯。」
採訪：羅慧敏
攝影：陳慧安