【本報訊】議會陣線6名議員毛孟靜、陳志全、區諾軒、范國威、朱凱廸和梁耀忠昨到政總與特首林鄭月娥會面一小時，提出施政報告建議。毛會後形容林鄭態度頗為惡劣，「惡劣嘅意思，係你話佢苦情又得，你話佢面黑又得」；朱凱廸則對林鄭交流時「黑口黑面」感到「不是味兒」，「我覺得好受冒犯」。

拒削減單程證

議會陣線6名成員昨會見林鄭後在立會交代情況。陳志全指會上向林鄭發公開信，促請訂立性傾向歧視條例保障同性伴侶，提到：「黃子華話林鄭月娥口中的社會共識，就係要最歧視同性戀者的人都同意你立法時，先至叫做有社會共識，呢個係好荒謬，我問林鄭月娥，佢口中嘅社會共識，係咪真係黃子華所講咁？」據知林鄭未有具體回應「有共識」定義。陳又指，林鄭回應范國威要求削減單程證時，向范說：「家庭團聚係人權，你（范）有無惻隱之心，去阻人家庭團聚？」他聞言後即反問，「如果家庭團聚係人權，點解QT案政府要上訴？點解要上訴至終審？」
■記者林俊謙