陳慧琳（Kelly）今日到機場酒店出席保良局活動，同場仲有特首梁振英太太及何超鳳同梁芷珊等。

Kelly全身白look現身，更穿上喱士透視褲，提到五大唱片公司同無綫版稅問題有傳又就快解決，佢聽到話：「係就嚟冇事，不過未排期上TVB，近日我要忙於準備張國榮紀念演唱會，連見囝囝嘅時間都少咗。」

此外有傳胞弟陳司翰翻撻莊思明，Kelly表示：「我冇問，呢啲係八卦唔係關心。不過佢有帶過莊思明同媽咪見面，但我都冇問媽咪意見，我唔會催佢結婚。」

今日又有報道指Kelly早前同無綫嘅苟芸慧及張嘉兒等出席金至尊春茗，但佢不屑眾女性感上陣藐爆，Kelly否認：「我幾時會咁無聊，人哋中門大開就唔like。」Kelly又介意報道中寫上陪酒字眼，佢強調當晚嘉賓唔少係上市公司老闆，有帶同另一半出席。