隔牆有耳：
財爺fb睇直播悼六四？ - 李八方
蘋果日報 2016/06/06 00:00
六四夜嘅維園內，12.5萬燭光遙祭英烈，爭取平反六四，唔少市民人唔到心到，透過睇不同媒介嘅直播，同現場人士一齊悼念。而唔少官員礙於身份問題，未必敢親自到維園致祭，或者係可以默默睇直播，其中包括財政司司長曾俊華。冇錯，八方講緊財爺鬍鬚曾呀，之但係唔係佢嘅真身。
鬚毛毛：睇咗幾分鐘
八方噚日收到友人傳來一張cap圖，據聞前晚港台直播緊六四集會期間，一班市民邊睇邊喺港台facebook留言之際，卻被一個同樣睇直播嘅名嚇親：「John Tsang（曾俊華）正與你一同觀看」，而呢個曾俊華嘅fb圖像，真係財爺鬍鬚曾嗰個喎，似乎官場都有良心人，呢句八方講嘅。
雖則有圖似乎就有真相，但公開悼六四呢個舉動，對官員、尤其盛傳係下屆特首黑馬嘅人嚟講，未必係好事喎，唔通財爺先係「官到無求膽自大？」有可能唔小心click錯箒？又有可能，俾黑客入侵呢？當然亦有可能係發自真心。
相信唔少市民同八方一樣，想知邊個原因先至真，原來係「鬚毛毛」睇緊箒，即係財政司長政治助理羅永聰囉！
羅永聰話佢平日負責管理財爺fb，直認前晚以財爺fb戶口睇咗幾分鐘，相信佢估唔到惹起美麗的誤會。
雖則有圖似乎就有真相，但公開悼六四呢個舉動，對官員、尤其盛傳係下屆特首黑馬嘅人嚟講，未必係好事喎，唔通財爺先係「官到無求膽自大？」有可能唔小心click錯箒？又有可能，俾黑客入侵呢？當然亦有可能係發自真心。
相信唔少市民同八方一樣，想知邊個原因先至真，原來係「鬚毛毛」睇緊箒，即係財政司長政治助理羅永聰囉！
羅永聰話佢平日負責管理財爺fb，直認前晚以財爺fb戶口睇咗幾分鐘，相信佢估唔到惹起美麗的誤會。