剛完成聽覺測試、現年七十二歲獨居的李婆婆向記者表示:「平日同人講嘢,要好大聲先聽到,頭先驗耳有啲聲聽到、有啲聲聽唔到,𠵱家安排咗遲啲再詳細檢查。」
聽力衰退中度失聰
李婆婆的丈夫於去年病逝,五名子女各有家庭負擔,她早年當賣魚小販,退休後靠子女供養,須節衣縮食過活。多年前,她雙眼患白內障,視力退化,另聽覺亦開始衰退。
其後,李婆婆經醫生證實雙耳中度失聰,需佩戴助聽器輔助,應付生活需要。她感激地說:「若果呢次唔係多得蘋果基金贊助老人家免費驗耳,我哋邊度可以拎幾百蚊去驗耳,呢個服務對我嚟講真係好大福利。」
另一位八十八歲白髮蒼蒼的郭婆婆說:「呢一、兩年,經常都聽唔清楚人哋講嘢,除非好似𠵱家咁靜嘅環境,重要好集中精神,先聽到你講乜,所以平時唔敢同人傾偈,驚聽唔到人哋講嘢。」
郭婆婆近日接受免費驗耳服務後,獲悉毋須進一步治療,令她大為安心。
獨居的郭婆婆,丈夫早逝,兩名子女現已成家立室。大半生從事小販的郭婆婆,退休後靠領取綜援金維生。早年,她曾在街上跌倒受傷,自此大部份時間留在家。