何超儀（Josie）今天於調景嶺出席牛仔服生活文化時裝展，Josie借出牛仔褲、《維多利亞壹號》電影海報及偶像的珍藏唱片作展覽，當中包括梅艷芳的唱片，Josie更形容當年梅艷芳是本地潮神，就如現在Lady GaGa一樣。Josie逐一介紹她的部份珍藏，其中一條3D牛仔褲因不能清洗，達20年之久。問她是否很喜歡穿牛仔服？Josie說：「 我好鍾意，因為牛仔服係代表自由、獨立、叛逆等，係美國式嘅freedom。」

下月6日，Josie將於九展舉行音樂會，她大叫緊張：「比上次多好多視像效果，咁開心，梗係call晒啲friend嚟，向前輩致敬，有LMF、24味。」問到老公陳子聰是否會同台合唱？她笑說：「你哋估吓！佢唔係成日唱，不過我已經叫咗佢，佢扭扭擰擰。同老公同台一齊唱就係第一次，有一首歌錄咗10年都冇拎出嚟賣，其實係之前佢哋買咗個beatbox機，攞咗嚟我屋企玩，好free咁就作咗首歌，當時我已經瞓咗覺，半夜起身嘅時候佢哋同我講爭一把女聲，當時把聲都未開，都幫佢哋唱咗兩粒字，我今次會迫佢面世。」而Josie又透露音樂會門票已售罄，還笑言每次音樂會都被安排在清明節舉行，真正是「拜完山先嚟搵我啦！」她又透露當日將有神秘嘉賓出席，她說：「呢個男嘉賓好鍾意紫色，係搖滾教父。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI