【全家出動】關心妍出EP義賣 囡囡粉墨登場拍MV
蘋果日報 2019/09/03 14:05
關心妍jade妍亮生命慈善基金
關心妍指女兒面對鏡頭變得紮紮跳。
由關心妍（Jade）創立的「妍亮生命慈善基金」，剛剛與本地兒歌創作歌手嘉芙姐姐，合辦大型跨年活動「兒童感恩文化2019」，推出兒歌集和兒童唱歌比賽等。
除了Jade音樂學院的學生參與，早前在網上公開招募，請來超過百位3至12歲的小朋友合唱新歌《我要感恩》，女兒心心更粉墨登場拍MV。Jade說：「上一首兒歌《願你感恩》係父母唱畀子女聽，今次輪到子女唱畀父母聽，希望小朋友透過歌曲，學識感謝身邊嘅人，多啲講Thank you。」而今次的兒歌EP將會作慈善義賣。
Jade又表示：「心心平時比較文靜，但對住鏡頭竟然變得紮紮跳，我都好surprise，又做咗領隊帶住小朋友唱歌、揮手，之前都帶過心心賣旗，今次是她第一次做義工。」另外，Jade繼廣州一站演唱會後，10月26日將會在深圳開騷，日前在當地記者會，並與歌迷見面及慶祝生日。
關心妍安排囡囡拍新歌MV。
10月26日在深圳舉行演唱會。
日前在深圳和歌迷慶祝生日。