有傳亞視新白武士係胡景邵，亞視一哥劉錫賢表示：「要搞清楚交易內容，唔想新買家入主又只維持幾個月貨色，希望會有新局面，點都要新買家正式入咗嚟亞視，睇佢想點樣搞，唔好再繼續換湯唔換藥，如終歸又原地踏步嘅話，就會再令員工擔憂同失望，期望新家令亞視有新轉機同新局面。」

講到有指新買家是胡景邵，佢話：「邊個都冇所謂，王維基又好，胡景邵都好，畢竟最初係因為股東問題，令亞視陷入呢個情況，既然王征唔想玩落去，咪離場囉。」

亞視一姐朱慧珊則說：「真係峰迴路轉，有家出價都算好消息，希望逐步向好。有傳新買家係胡景邵，我唔認識佢，但0依家關鍵係睇政府下一步會唔會續牌，政府都要睇新買家情況先可以落實。王征自己都唔想玩，離場都好，但點都好，希望盡快有落結果，因為成日有唔同消息傳出，對員工嚟講都好攰。」

至於前亞姐冠軍張家瑩就話：「亞視新聞都報錯，有冇搞錯，今日聽到德勤公佈先至敢信，好開心有呢個消息，真係守得開見月明，我知公司一定翻到身，希望新老闆入主，全部員工可以留低，大家0依家可以重整心態，專心製作。」有傳新買家胡景邵同王征點比？真係冇得比，比亞視經過王征呢一役，相信會更加好。