大家樂Club100外洩會員個人資料，已入會兩年的關小姐，今早查閱電郵時才知道事件。電郵內容交代事件，並稱「我們相信所涉資料沒有被誤用而事件亦不會導致閣下實際損失...」

關小姐隨即致電負責事件的大家樂總經理，對方回答稱錯誤地將她的個人資料傳送至一位顧客，「佢講話總之就唔止我一個人，我問嗰個人係咪其中一個會員，佢話呢方面資料唔可以提供，真係幾過份，淨係喺度講抱歉咁囉！」

關小姐又指，申請入會時登記姓名、電話號碼、電郵地址及八達通號碼，「若果落咗一個衰人手，我唔知佢攞啲資料做咩用途，好彩無身份證，唔係就大件事，佢可以喺網上登記好多嘢都得。」

關小姐表示已即時通知其他朋友，未來亦不會再參與類似的會員制度。