吳天海記者會變投訴大會 - 李八方

蘋果日報 2002/05/29 00:00


重有兩日世界盃就開鑼,全靠呢鋪食胡嘅有線,噚日喺九龍灣展貿中心嘅睇波中心啟用,大張旗鼓請齊十二個講波佬、世界盃大使黎明同張達明、谷德昭等藝人助興。個場又真係幾豪,面積超過兩萬呎,裝咗十個投射大電視,由85吋到300吋都有,另外四周重有30部電視機。
儀式過後,有線電視主席吳天海被記者圍住訪問,但後嚟變咗個人用戶投訴大會。吳主席呢頭話只有少數用微波嘅用戶有接收問題,嗰頭就有記者大聲問:「唔係噃,點解我屋企唔係用微波都有問題?」下次有線開記者會時,要搵多個工程師傍住吳主席先掂。
﹙圖﹚左二起:吳天海、黎明


傳真︰2623-9278
電郵︰[email protected]