剛啱禮拜三（18日）取消賽事，喺練馬師嘅角度，佢哋要做嘅，就係替報咗名但無得跑嘅馬洩洩火，然後再報名參賽。

剛啱禮拜四（19日）報名表一出，就見到唔少係本來於之前一晚出賽嘅馬，如今再報名於一周之後上陣。

其中，「王者奇兵」同「健康在望」上周已經同場較量，取消賽事後嘅一周再報名，分拆兩組都仲可以同場角逐，認真有緣。

睇番剛啱禮拜三取消賽事前嘅賠率，「王者奇兵」長時間係大熱門，但阿棟就認為呢匹今季進度唔係太好，當日只得七成狀態，根本就冇進步，成為大熱只係用莫雷拉、排1檔兼同父馬好似「旺蝦王」同「弛曜風」表現好有關啦！

既然佢唔值熱門，梗係要搵隻嚟贏佢，「健康在望」剛啱禮拜三排10檔起步，形勢唔好但係長時間只得6、7倍之間，擺明檔位形勢差都冇有怕，好有信心可以克服。

睇番「健康在望」上季喺跑馬地拎到一勝三位之後，幕後決定安排轉戰沙田，趁勇再跑兩席第三，擺明本身喺四班必有級數，復課態況更上一層樓，起碼值三班70分嘅馬，聽日禮拜一（23日）排位只要電腦幫幫手畀個靚檔佢，贏面肯定大到不得了。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港