廖慧儀去年3月在交友程式認識Sam，拍拖一年半感情穩定，不時在Ig高調放閃，廖慧儀參選港姐後，Sam見到女友被網民指是「姣精」，更多次留言作維護。不過到10月初即港姐決賽後一個月，忽然爆出三角戀，有傳廖慧儀背着Sam與TVB《#後生仔傾吓偈》的孔德賢暗撻，多次私下約食飯，孔德賢更用暱稱叫對方「Bae」，Sam當時在網上tag孔德賢的Ig，警告他「Stop finding my gf please（不要再找我女友）」（右圖）。有網民在Sam的Ig留言冷嘲熱諷，廖慧儀有為男友打圓場，稱Sam飲醉，二人仍是情侶關係，以為事件平息，怎料Sam在10日後又於Ig留言，指女友已狠心離開他。

數日後，孔德賢公開與廖慧儀劃清界線，指二人只屬正常同事的關係，然後廖慧儀在Ig連發三個限時動態，稱自己電郵被人盜用，社交網不斷被入侵，又稱被人跟蹤威脅恐嚇性騷擾、更禍及家人朋友，試過被人當街搶電話，直指「日日都玩跳樓，你要搞清楚呢啲唔係愛嘅表現」。到10月尾，Sam接受《蘋果》訪問坦言難忘舊愛，「短時間內我覺得失去精神伴侶，好似心裏面冇咗一忽肉。」（左圖）但言語間仍相當維護廖慧儀，指她並沒出軌，相信她跟孔德賢只是朋友。