有外資分析員指，就算邢李㷧真的「回朝」，要在今時今日重振思捷不是易事。他說：「除咗佢嘅大本營德國，5、6年前思捷喺其他歐洲地方，啲產品都確係仲賣得吓，但係喺Zara橫掃全球嘅今日，好難做得返以前個水平。」他續稱：「你自己喺香港都有眼見，Zara分店越開越多，次次入去都有人龍，思捷分店就越嚟越少，店內顧客唔多，思捷產品唔得嘅結論好明顯。」另一分析員則稱，除經營環境大幅改變外，以前「黃金鐵三角」的主要成員、即前行政總裁高漢思及前副主席潘祖明，重返思捷的可能性很低。他說：「高漢思家71歲，潘祖明就做咗財務滙報局主席，返嚟幫手嘅可能性真係唔高……除非邢李㷧可以搵到啲新嘅好幫手，否則我就唔睇好思捷可以翻生。」