【記者梁御和報道】蘋果迷瘋狂追捧iPad2，但現時蘋果電腦已暫停網上訂購iPad2，消費者惟有到經銷商買機。蘋果透過經銷商放貨數量有限，卻無公開供貨數量，電器商利用蘋果迷急欲買機心態「賺到盡」，要求買家必須購買指定產品才放貨。豐澤電器上周四起除要求消費者購買指定金額電器外，更須購買iPad2配件。至於沒公開「要求」的百老滙，本報發現店員以鬼祟手法屈客買配件。

投訴人：配件係雜嘜貨

顧客到百老滙買iPad2，職員表面會向客人說iPad2「冇貨」，實際借賣機乘機賺盡。蘋果迷阿健日前到元朗教育路的百老滙購買64GB的3G版iPad2，「職員最初話冇貨，但即刻又話有貨，不過啲貨係有客留起」，阿健指職員暗示若願意「搭單」購買iPad2配件，便有機可賣給他，他不欲被任意宰割拒絕購買。「我好懷疑根本係咪真係有呢啲客，佢叫我買嘅配件係雜嘜貨，選擇好少，我根本唔想買。佢咁做即係利用iPad2做多啲生意，隨時好賺過蘋果」。
記者曾到觀塘apm商場的百老滙「放蛇」，職員先不假思索回覆iPad2「冇貨」，再細細聲在記者耳邊說：「其實早前有個客買落一部連配件仲未攞走，已經出晒單，如果你連埋張單上面嘅所有配件買埋，就可以讓部機畀你先。」他即拿出一部iPad2，又出示一張貨單，囑記者付款7,414元，單據上除有一部價值6,488元的iPad2，還列出三件配件及價錢，包括螢幕保護貼400元、機座228元及保護套298元，總數926元，其中保護貼及機座均不是蘋果電腦產品。
記者表示只想買淨機，職員晦氣說：「你考慮吓啦，家去Apple訂都冇貨o架喇！」記者曾向多間百老滙查詢，並無訂貨服務，到底為何職員說有客人留貨，令人感到懷疑。
本報就上述情況向百老滙及蘋果電腦查詢，至截稿前仍未收到兩公司回應。記者曾致電蘋果電腦客戶服務部查詢訂購iPad2，職員指貨源不足，網上訂購服務暫停。
至於明言買滿2,000元電器才可購買iPad2的豐澤電器，上周四推出新規定，雖將指定金額下調至1,000元，卻綑綁式要求顧客購買配件才可買iPad2。讀者陳先生前日（17日）到旺角西洋菜街豐澤購買iPad2，職員要求他購買1,000元家電外，還必須再購買298元或598元的蘋果電腦出品iPad2保護套方可買機。

豐澤綑綁式銷售無違例

豐澤向本報承認因3G版iPad2貨量少，故推出「忠誠顧客優先選購服務」，客人須購買指定產品才可優先購機。至於必須購買保護套的新政策，至截稿前未有回覆。記者曾致電多間豐澤電器門市，不同職員有不同說法，旺角山東街分店職員指，無論有現貨與否，購買iPad2均要遵守上述新規定；太古城分店職員則指新規定只適用於分店沒有現貨時供客人優先預訂，有現貨則只需連同保護套購買即可。
就綑綁式銷售手法，消委會發言人指屬「你情我願」，沒有違例，市民可尋求其他渠道購買產品。